Beití Sailí Deain

le Séamus Mac A’ Bhaird
**************************
O mo chreach ‘s mo mhíle díth
Nó gur spreag sé in mo chroí
A ghabhail i gcleamhnas riamh le Beití Sailí Deain
Nó níl aon lá ó cuireadh an snadhm
Orm féin ‘s ar Bheití mhín
Nach bhfuil leatrom agus léan domh féin i ndán
**********************************
Théim amach ‘na Chamais Bhig
A sheiftiú an méid a thig
Glasán beag ná glasán mór dá dtiocfadh a fháil
Nuair a phillim arís ‘un tí a chur tuairisc greim bídh
Bheir sí orm aghaidh a craois is an méadall mór
*****************************************
Nuair a theimse siar ‘na trá
A chur amach bodóg agus leathach
Tiocfaidh mé aniar salach sronnach marbh tuirseach amach ón lá
Nuair a thigim isteach ‘un tí a chuir tuairisc greim bidh
Fágfaidh sí pláta brachán Indian is cáfraith fúm
*******************************************
Dhéanfaidh Mac John Eoin go beacht
Cros de chéaslaidh a bheas gan lucht
‘S dhéanfaidh an curach cónair dhíon domh féin go brách
Cuirfidh Beití le mo thaobh léinidh uisce de mhálaí plúir
Is dhéanfaidh scarfa marbhfáisc orm san uaigh
************************************
Barr a’ Phointe is an Bhoilg Mhór
Sruth Phort Deilg is an Camas Mór
Béal Phort Chala ó thuaidh go beacht as Droim a’ Bhogha
Bhí tú i dtólamh ó thaobh go taobh
‘S bhí tú i gcónaí bhonn ‘S cha dtug tú riamh do dheireadh do Oitir Mhór
***************************************************
Ach tá tú caite anois is liom
‘S tá sliocht an anróidh ar do cheann
Chaill tú bláth na hóige a bhí ort i dtús do shaol
Mar sin féin is tú grá mo chroí
Cha scaraim leat a choích
Nó go síntear ins a’ chill mé le do thaobh.
************************************