Sé Mo Chuairtse Anuas Dé Domhnaigh

Sé mo chuairtse anuas Dé Domhnaigh
A d’fhág faoí dhólás mé le fada
Is mé ’coimheád achan tráthnóna
An áit ar shiúil mo ghrá liom fán am seo anuraidh
***********************************************
’Shiúil ghorm uisce fómhair
’ S do bhéilín ródheas a bhfearr liom a fheiceáil
’ S a rí ó nach bhfuil mé is tú pósta NÓ ‘S a RÍ ó nach bhfuil mé in do chóiste
Nár dheas mar sheolfas muid ‘na bhaile
*************************************************
Dá mba liomsa flít na hEireanna
Is a bhfuil in Eirinn as seo go Gaillimh
Go dtabharfainn duit mar fhéirín é
Ach a theacht aréir liomsa ‘na bhaile
***********************************************
Nuair a bhí mé insa bhaile
Ag m’athair is ag mo mháthair
Cha raibh aon [e] ní le déanamh NÓ Mo rogha turn cha déanfainn
‘S nár bheag a b’hearr daofa m’obair
***************************************************************
Ach anois atá mé sáraithe
‘S gurbh fhearr liom dá mbeinn sa bhaile
‘S dá mbeadh bliain ar fad sa lá
Go mbeinnse sásta a bheith ag obair
*****************************************
‘Ógánaigh nár chiúin do gháire
Dá dtabharfá áras di féin ‘s dá babaí
‘S de bhrí de go dtear tú an t-ábhar
‘S gur fhág tú an páiste bocht faoí leatrom
*************************************************
Ach a choíche má ní tú m’athrach
‘S i ndiaidh do bháis ná go mbeidh tú ag aithrí
Beidh tú ag siúl in do chosa tarnocht
Fríd chál fhaidh agus clocha sneachta
*********************************************
Tá cúirt fhada ghléigheal
Deanta agamsa istigh I dToraigh NÓ Ag m’athair istigh I dToraigh
Sin oileáin taobh thuaidh de Eirinn
Amach fá shléibhte Chorrán Binne
**********************************************************************
‘S trua nach bhfuil mé in Ard Lár Thoinn
‘S m’aghaidh bheith ar arda bheanna Thoraí
Mé bheith ag éisteacht le guth na n-éan
‘S a dhia nach aoibhinn don té atá I dToraigh
**********************************************************